Soltústik Makedonııa men Albanııa Eýroodaqqa kirý boıynsha kelissózderdi bastady
Eýrokomıssııa tóraıymy Ýrsýla fon der Lıaıen eki eldiń premer-mınıstrlerimen áńgimesinde bul úderis jyldarǵa sozylsa da, qosymsha saıası jáne ekonomıkalyq turaqtylyq ákeledi dep úmitenetinin aıtty.
«Investıtsııa aǵylyp, saýda baılanystary jaqsarady. Energetıka jáne kólik sııaqty negizgi salalarda tyǵyz yntymaqtastyq ornaıdy. Siz EO qarajatyn kóbirek jáne barynsha tıimdi paıdalana alasyz. Demek, jańa jumys oryndary, jańa bıznes múmkindikteri paıda bolady. Mine, sizderdiń azamattaryńyzdyń kópten kútkeni, olar úshin aıanbaı eńbek etkeni jáne olarǵa laıyqty nárse», - dedi tóraıym.
Soltústik Makedonııa kandıdat mártebesin sonaý 2005 jyly alǵan. Sodan beri ol óz elindegi bolgar yqpalyn moıyndaý úshin Konstıtýtsııasyn ózgertýge májbúr bolǵan. Sofııa makedon tiliniń shyǵý tegi týraly óz nusqasyn talap etip otyr. Parlament Skopede Bolgarııamen Soltústik Makedonııadaǵy bolgar azshylyǵyn taný týraly kelisimdi bekitti. Premer-mınıstr Brıýsselde Soltústik Makedonııa NATO-ǵa ıntegratsııalanǵan sııaqty «Eýroodaqpen erte ıntegratsııanyń oń úlgisi» bolǵysy keletinin málimdedi.
«Búgin birinshi úkimetaralyq konferentsııada barlyq múshe elder bizdiń EO-ǵa múshelikke qadamymyzdy quptady. Barlyq saıasatkerlerlerimiz bul joldy qoldaýǵa mindetti. Bul Soltústik Makedonııa Respýblıkasy úshin anaǵurlym tabysty, demokratııalyq jáne gúldengen bolashaqty qurýdyń jalǵyz joly», - dedi Dımıtar Kovachevskı.
Bul konferentsııa men kelissózderge Albanııa tarapynan el premer-mınıstri Edı Rama qatysty. Albanııa kandıdattyqqa 2014 jyldan beri úmitker. Albanııa men Makedonııanyń odaqqa kirýiniń naqty merzimi belgilenbegen. Múshelik týraly kelissózderdiń sátti ótýi elderdiń EO zańdary men erejelerin, zań ústemdigi qaǵıdattaryn qanshalyqty jyldam qoldanýyna, sondaı-aq sybaılas jemqorlyqpen sátti kúresýge kepildik bere alatynyna baılanysty.
Foto: cdncloudcart.com
