Soltústik Koreıanyń qarýly kúshteri joǵary áskerı daıyndyqta
ASTANA. QazAqparat - KHDR qarýly kúshteri joǵary daıyndyq deńgeıinde. Bul týraly «Nodon sınmýn» ortalyq partııalyq gazetinde jarııalanǵan maqalaǵa silteme jasaı otyryp ITAR-TASS habarlady.
Onda AQSh 1950-1953 jyldary bolǵan Koreıa soǵysyna sebepker bolyp, «káris ultyna sansyz azap pen qıyndyq » ákelgeni aıtylǵan. Sol soǵysty káris jurty ult-azattyq soǵys dep ataıdy.
«Osy úsh jyldyq qarýly qaqtyǵys kezinde jasalǵan amerıkalyq ımperıalısterdiń qylmystaryna eshqandaı aqtaý joq», - dep atap kórsetken «Nodon sınmýn». Alaıda, gazettiń tujyrymynsha, AQSh «osy qaqtyǵystan eshqandaı sabaq almaǵan jáne Koreıaǵa qatysty qastyq saıasytan jalǵastyryp keledi».
25 maýsym Koreıanyń barlyq aımaqtarynda Koreıa soǵysynyń aıaqtalǵanyn eske alatyn jappaı mıtıngter ótti. Ol 1953 jyly bitimge kelý týraly kelisimge qol qoıylýmen toqtatyldy. Soǵysqa qatysýshylar Kım Ir Senniń eńbegi jaıly esh umytpaq emes. Onyń basshylyǵymen Koreıa AQSh pen onyń odaqtastarynyń áskerlerine qarsy tura aldy.
