Soltústik Koreıaǵa jappaı asharshylyq qaýpi tónip tur
ASTANA. 24 aqpan. QazAqparat - KHDR-da halyqty azyq-túlikpen qamtamasyz etýde kúrdeli jaǵdaı qalyptasyp otyr. Amerıkandyq úkimettik emes uıymdardyń habarlaýynsha, elge tez arada kómek qajet,
dep jazady RBK.
Osy uıymdardyń aıtýynsha, byltyrǵy jyldyń jazynda bolǵan nóser jaýyn men sý tasqynynyń saldarynan Soltústik Koreıada kókónis jınaý 50 paıyzǵa azaıǵan bolatyn. Bıylǵy jyly aıazdy qystyń saldarynan bıdaı men arpanyń kóktemgi ónimi zııan shegýi yqtımal. Soltústikkoreıalyq úkimettiń derekterine saı, «eldegi azyq-túliktiń qory maýsymnyń ortasynda taýsylady». KHDR bıligi álem naryqtaryndaǵy baǵanyń ósýinen shet elden satyp alýdy azaıtqanyn aıtady.
Azyq-túlik tapshylyǵynyń ornyn toltyrý úshin Soltústik Koreıa 900 myń tonna bıdaı ımporttaý kerek. Alaıda, el úkimetiniń josparyna saı osy kólemniń nebári úshten bir bóliginiń satyp alynýy josparlanyp otyr.
Gýmanıtarlyq uıymdar ókilderi álemdik qaýymdastyqty KHDR-ǵa gýmanıtarlyq kómek, birinshi kezekte, balalarǵa, qarttarǵa jáne sozylmaly aýrýlarǵa shaldyqqandarǵa kórsetýge shaqyrady. Sarapshylardyń boljaýynsha, KHDR turǵyndarynyń 40% negizinde balalar, júkti áıelder, bosanǵan áıelder jáne qarttardy quraıtyn 8,7 mıllıon adam keleshekte boljanyp otyrǵan tapshylyqtan azyq-túlikti qajet etpek.
