Soltústik Koreıadaǵy jarylys tehnogendik dep tanyldy
ASTANA. QazAqparat - ıAdrolyq synaqtarǵa jalpyǵa birdeı tyıym salý uıymy Soltústik Koreıadaǵy jarylysty tehnogendik dep tanydy, dep málimdedi uıym basshysy Lassıno Zerbo. Bul týraly Bı-bı-sı habarlady.
Alaıda, onyń aıtýynsha, muny ıadrolyq synaq dep aıtýǵa áli tym erte.
Uıym jer silkinisi bolýy múmkin dep atap ótti. Endi ǵalymdar aýaǵa radıoaktıv bóligi taralǵan-taralmaǵanyn kútetin bolady.
Bul jarylys kózin aıqyndaýǵa jáne Phenıannyń sýtegi bombasyn synaqtan ótkizý jaıyndaǵy málimdemesin rastaýǵa nemese joqqa shyǵarýǵa járdemdesedi. Zebronyń aıtýynsha, radıoaktıvti zattardyń aýada bar-joǵyn anyqtaýǵa elý kún ketedi.
KHDR sársenbide sýtegi bombasyn sátti synaqtan ótkizgeni jaıly málimdedi. Bul bomba úshin kúrdeli tehnologııalar qoldanylady. Onyń jarylýy ýran nemese plýtonıı bombalaryna qaraǵanda edáýir qýatty bolyp keledi. Kóptegen sarapshylar men saıasatkerler soltústikkoreılik kóshbasshylar málimdemesiniń shyndyqqa janaspaýy múmkin ekenin aıtýda.
Phenıan áreketine jaýap retinde Ońtústik Koreıa jumadan bastap KHDR shekarasynda daýys zoraıtqyshpen nasıhattaý habarlamasyn qaıtadan bastaýǵa sheshim qabyldaǵanyn jarııalady.
