Soltústik Koreıadaǵy ıadrolyq polıgonyń jabylý rásimine jýrnalıster qatysady
SEÝL. QazAqparat - Soltústik Koreıa senbide eldiń soltústigindegi ıadrolyq polıgonnyn jabýǵa qatysty «tehnıkalyq is-sharalar» qabyldaıtynyn jarııa etti. Polıgondy jabý týraly kelisimge sáýirdegi Ońtústik jáne Soltústik Koreıanyń tarıhı sammıtinde qol jetkizilgen bolatyn, dep habarlaıdy Renhap agenttigi.
Memlekettik koreı ortalyq aqparattyq agenttigi habarlaýynsha, Soltústik Koreıanyń Syrtqy ister mınıstrligi taratqan baspasóz habarlamasynda Phýngerıdegi ıadrolyq polıgonnyń jabylýyna qatysty jospar tolyq kórsetilgen.
Aǵylshynsha málimdemede bıliktiń Jumysshy partııasy men basqa da jaýapty mekemeler «ıadolyq synaqtardyń tolyq toqtatylýyn qamtamasyz etý» úshin «soltústiktegi ıadrolyq polıgondy jabýǵa qatysty tehnıkalyq ázirlikter júrgizilýde» delingen.
27 sáýirde úshinshi koreıaralyq sammıtte Soltústik Koreıanyń basshysy Kım Chen Yn ońtústikoreılik áriptesi Mýn Chje Inge «ıadrolyq poolıgondy mamyrda jabatynyn» aıtqan. Múny ońtústik Koreıa prezıdentiniń ákimshiligi rastap otyr.
Kım sonymen birge polıgonnyń jabylýyn jarııaly túrde ótkizýdi usyndy. Soltústik Koreıanyń Syrtqy ister mınıstrligi málimdeýinshe, jabylý rásimi 23-25 mamyr aralyǵynda aýa raıy qolaıly bir kúnde ótkiziledi.
Baqylaý keńistiktiń shekteýli bolýyna baılanysty jabylý rásimine Ońtústik Koreıa, Qytaı, Reseı, AQSh jáne Ulybrıtanııanyń jýrnalısteri ǵana shaqyrylady.
