Soltústik Koreıadaǵy ıadrolyq polıgonda 200-den astam adam qaza tapty
ASTANA. QazAqparat - Soltústik Koreıadaǵy Pýngerı ıadrolyq polıgonyndaǵy tonneldiń opyrylýy saldarynan 200 adam qaza tapty.
Bul týraly ońtústikkoreıalyq KBS World Radio Japonııanyń Asahi TV telearnasyna silteme jasap habarlady.
Apat 10 qyrkúıek kúni bolǵan, alaıda ol týraly aqparat 31 qazanda ǵana paıda bolǵan. Derekkózderge súıensek, qurylysy júrip jatqan tonneldiń qurylymdary qulap, sonyń saldarynan 100-ge jýyq jumysshy jer astynda qalyp qoıǵan. Odan keıin taý jynystary qaıta qozǵalyp, qaıta opyrylǵan. Saldarynan 100-ge jýyq qutqarýshy ajal qushty.
