Soltústik Koreıada uzaq ómir súrgisi keletinderge qaraǵaı shaıyn ishýge keńes berilýde
ASTANA. Mamyrdyń 6-sy. QazAqparat - Biraz ýaqyt boıy qaraǵaı qylqanyn qaınatyp ishken adam «qartaımaıdy, árqashan jeńil júrip-turady,
ashtyqty sezbeıdi jáne uzaq jasaıtyn bolady». Bul týraly sonaý 15-shi ǵasyrda jazylǵan koreılik ataqty «Jergilikti dári-dármekter týraly bilimder jınaǵynda» jazylǵan.
Osynaý ejelgi medıtsınalyq traktatty zerdelep shyqqan soltústikkoreılik «Densaýlyqqa arnalǵan tabıǵı ónimder» kompanııasynyń mamandary birqatar tájirıbelik synaqtardan keıin qaraǵaı shaıyna negiz bolǵan arnaıy granýlalar jasap shyǵardy. Tabıǵı shıkizattan jasalǵan bul túıirshikter óziniń emdik qasıetin, qylqannyń ısin saqtaǵan jáne tipti sýyq sýda da jeńil erıdi.
S jáne E vıtamınderi bar jasyl tústi sýsyn aǵzanyń ımmýndyq qyzmetin kóteredi jáne qartaıýǵa tosqaýyl bolady. Oǵan qosa, onyń quramynda V tobynyń vıtamınderi, rýtın, kaltsıı, selen jáne basqa da 40-tan astam mıkroelementter, adam azǵasyna qajetti amınoqyshqyldar, efır maıy, gormonaldyq zattar bar, deıdi mamandar.
