Soltústik Koreıada sottalǵan amerıkalyq stýdent máıitine saraptama jasalmaıdy
ASTANA. QazAqparat - Soltústik Koreıada túrmede otyryp, keıin bosatylǵan amerıkalyq stýdent Otto Vombıerdiń máıitine medıtsınalyq saraptama júrgizilmeıtin boldy, dep habarlaıdy TASS agentti.
Bul týraly málimetti Gamılton amerıkalyq okýrýgindegi koronerdiń rásmı ókili Djastın Vaıber aıtty.
«Qaıtys bolǵan jigittiń týystarynyń ótinishi boıynsha máıit medıtsınalyq tekserýden ótkizilmeıdi», - dedi ol. Onyń sózine qaraǵanda, Otto Vombıerdiń máıitine jalpy tekserý júrgizilgen, alaıda onyń nátıjeleri jarııalanbaıtyn bolady. Stýdent ómiriniń sońǵy kezderi Tsıntsınnatıdegi emhanada baqylaýda boldy. «Otto Vombıerge qatysty qandaı da bir málimetterdi taratpas buryn, biz onyń aýrý tarıhymen jáne basqa da jaıttarmen tanysý kerekpiz», dep atap aıtty koronera ókili.
Buǵan deıin Soltústik Koreıada nasıhattyq plakattardy urlady jáne eldiń bedelin túsirdi dep aıyptalyp 15 jylǵa sottalǵan amerıkalyq stýdent Otto Frederık Vombıer qaıtys bolǵandyǵy týraly habarlaǵan bolatynbyz .
Aıta keteıik, 15 jylǵa sottalǵan Vombıer Soltústik Koreıaǵa 2015 jyly 25 jeltoqsanda Beıjińnen týrıstik top quramynda kelgen. Ol 1 qańtar kúni sheteldik týrısterge arnalǵan «ıAngakto» qonaq úıiniń qyzmettik ǵımaratyna kirip, ilingen saıası plakattardy jyrtyp tastaǵan. Amerıkalyq stýdent óziniń kinásin tolyq moıyndap, saıası arandatýshylyqtarǵa tap bolǵandyǵyn aıtty. Vombıer maýsym aıynyń ortasynda densaýlyǵynyń nasharlaýyna baılanysty túrmeden bosatylǵan edi.
Foto: BBC
