Soltústik Koreıada shetel týrısterin 3G ınternetke qoljetimdilikten aıyrdy
ASTANA. QazAqparat - Soltústik Koreıada týrısterdi 3G ınternetke qoljetimdilikten aıyrdy. BAQ derekterine súıensek, bul týraly Koryolink jergilikti ınternet-operatory habarlady, dep jazady Ýtro.rý.
«Ókinishke oraı, belgili bir ýaqytqa jergilikti ınternet-provaıderden 3G ınternetti sóndirýge týra keldi. Servısti qalpyna keltirgen kezde birden habar beremiz», - delingen Koryolink habarlamasynda.
Oǵan deıin shetel azamattary vızanyń qoldanys merzimi bitken kezde bir ýaqytta aıaqtalatyn 3G ınternetke arnalǵan SIM-karta satyp ala alady. Sonymen birge, Soltústik Koreıa azamattarynyń tsenzýradan ótpegen ınternetke qoljetimdilikteri bolmaıdy.
Mobıldik jelige qoljetimdilik 12 maýsymda Phenıanda Koryo Hotel qonaqúıi órtengennen keıin (sýretteri áleýmettik jelide paıda bolǵan) bir kún ótken soń shektelgen. Bıliktiń aıtýynsha, týrıster áleýmettik jelilerde, eldiń oń ımıdjine yqpal etpeıtin fotosýrettermen bólisedi.
