Soltústik Koreıada neke toıy men jerleý rásimin ótkizýge tyıym salyndy

6 mamyrda ashylatyn sezd 36 jylda alǵash ret ótkiziledi. Partııa jarǵysyna sáıkes, sezd Ortalyq komıtet pen Ortalyq tekserý komıssııasy jumysynyń qorytyndylaryn shyǵarady, baǵdarlama men jarǵyny qabyldap, túzetip, tolyqtyrady. Partııanyń negizgi máselelerin talqylap, partııanyń bas hatshysyn taǵaıyndaıdy.
RIA Novostıdiń habarlaýynsha, ońtústikkoreıalyq jańalyqtar agenttiginiń derekkózi KHDR-da baqylaýdyń erekshe kezeńi ornatylǵanyn jazǵan. El astanasy Phenıanǵa kirýge shekteý qoıyldy, sondaı-aq Qytaımen shekarada qyraǵylyq arttyryldy. Adamdardyń toptalýyn boldyrmaý úshin azamattarǵa neke toılary men jerleý rásimderi sııaqty sharalardan bas tartý buıyryldy, dep habarlaıdy Renhap.
Agenttiktiń nusqasy boıynsha, aldaǵy sezd el kóshbasshysy Kım Sen Ynnyń bıligin nyǵaıtýǵa baǵyttalǵan. Qazirgi kósem ony 2011 jyly óziniń ákesi Kım Chen Irdiń óliminen keıin muragerlikpen aldy, óz kezeginde onyń ákesi KHDR-nyń birinshi basshysy Kım Ir Senniń murageri bolǵan.