Soltústik Koreıada qara aqqý etin jep jatyr

NUR-SULTAN. QazAqparat - Soltústik Koreıa azyq-túlik tapshylyǵynan zardap shegýde. Halyqaralyq sanktsııalar men pandemııa jaǵdaıdy odan ári nasharlatty. Endi olar qara aqqýlardy et baǵytynda ósirýdi kózdep otyr, dep habarlaıdy QazAqparat BBC-ge silteme jasap.

Soltústik Koreıada qara aqqýlar ónerkásiptik kólemde et úshin ósiriletin fermanyń qurylysy aıaqtaldy. Bul el bıliginiń azyq-túliktiń ártúrliligin arttyrý josparynyń bir bóligi jáne azyq-túlik daǵdarysyn óz betimen jeńý áreketiniń biri. Soltústik Koreıa sheneýnikteri atalmysh qustardyń eti óte qunarly ekenin, assortımentin kóbeıtý halyqtyń ómir súrý sapasyna oń áser etetinin alǵa tartady. 2019 jyly bılik mektepter men kásiporyndarǵa «ózin-ózi qamtamasyz etýdi arttyrý» úshin jeýge bolatyn kez kelgen nárseni ósirýge jáne kóbeıtýge buıryq berdi. Qazir Soltústik Koreıa aqparat quraldary qara aqqý etin tutynýǵa úgittep jatyr. El kóshbasshysy Kım Chen Yn shekaralardyń jabyqtyǵyna baılanysty eldegi azyq-túlik jaǵdaıy shıelenisip turǵanyn moıyndap, koronavırýstyń taralýyn toqtatý úshin osyndaı qurbandyqqa barýǵa májbúr bolǵandyǵy úshin turǵyndardan keshirim surady.