Soltústik Koreıada bir táýlikte 96 myń adamnan bezgek anyqtaldy- BAQ
NUR-SULTAN. QazAqparat – Soltústik Koreıada sońǵy 24 saǵat ishinde bezgek belgileri bar 96 020 adam anyqtaldy. Sáýir aıynyń sońynan beri mundaı jaǵdaıdyń jalpy sany 3,64 mıllıonnan asty, dep habarlady QazAqparat Yonhap aqparat agenttigine silteme jasap.
Seýl bıliginiń málimetinshe, bezgekke shaldyqqandar arasynda koronavırýs juqtyrǵandar ǵana emes. KHDR bıligi COVID-19 vırýsyn dál anyqtaý múmkindiginiń shekteýligine baılanysty bezgek belgileri bar adamdar statıstıkasyn júrgizetinin boljap otyr.
KHDR halqynyń sany shamamen 24 mıllıon adamdy quraıdy. Dúısenbide el bıligi bezgek belgileriniń 100 710 jańa jaǵdaıy týraly habarlady, al jeksenbide shamamen 89,5 myń naýqas anyqtaldy. Táýlik ishinde eń joǵary ósim 15 mamyrda tirkeldi – 392 920 jaǵdaı.
Aıta ketsek, Soltústik Koreıa elde koronavırýstyq ınfektsııanyń anyqtalǵany týraly alǵash ret 12 mamyrda habarlady. Osyǵan baılanysty el basshysy barlyq qalalar men okrýgterde oqshaýlaý sharalaryn engizýdi tapsyrdy.
