Soltústik Koreıada bir táýlikte 263 myń adam ınfektsııa juqtyrdy

NUR-SULTAN. QazAqparat – Soltústik Koreıada resmı bılik tarapynan «bezgek» dep atalyp ketken aýrý belgileri bar naýqastardyń sany ósip barady. Bir táýlikte 263 myń adamnyń juqtyrǵany anyqtaldy, 2 adam qaıtys boldy. Bul týraly Koreıanyń ortalyq telegraf agenttigi jarııa etti, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.

Dertke shaldyqqandardyń jalpy sany 2,241 mln-ǵa jetti, 65 adam kóz jumdy. Sonymen qatar, naýqastardyń 1,5 mln jýyǵy aıyǵyp, taǵy 754,8 myńy emin jalǵastyryp jatyr.

Aıta ketsek, ótken táýlikte Qazaqstanda 16 adamnyń koronavırýs juqtyrǵany anyqtaldy.