Soltústik Koreıada áıelderge velosıpedpen júrýge tyıym salynǵan
ASTANA. Qarashanyń 9-y. QazAqparat - Koreıa Halyq Demokratııalyq Respýblıkasynyń basshylyǵy soltústikkoreılik qyz-kelinshekterge osydan 9 jyl buryn velosıpedpen júrýge tyıym salǵan bolatyn. Bul erejeni buzǵandarǵa aıyppul salynyp,
eki dońǵalaqty kólik quraldary tárkilenedi eken. Tokıo basylymynyń habarlaýynsha, bul týraly ótken aptada parlament depýtattaryna Koreıa Resýblıkasynyń birlestik isteri jónindegi mınıstri Hen In Thek málim etken.
«2000 jyly Soltústik Koreıanyń basshylyǵy áıelderge velosıped aıdaýǵa tyıym salǵan. Bul ereje Phenıanda múltiksiz saqtalǵanymen, alys eldi-mekenderde oǵan qulaq aspaıtyndar tabylyp jatady». Koreıa Halyq Demokratııalyq Respýblıkasy boıynsha ońtústikkoreılik mamandar, Kım Ir Senniń tusynda elde áıelder shalbar kımeýi kerek degen stereotıp qalyptasqanyn aıtýda. Velosıped aıdaýǵa da shamamen sol kezderi tyıym salyna bastaǵan, deıdi olar.
