Soltústik Koreıada alǵash ret koronavırýs juqtyrýy múmkin naýqas anyqtaldy
PHENЬıAN. QazAqparat - Koreıa Halyq Demokratııalyq Despýblıkasynyń Ońtústik Koreıamen shekarasynda ornalasqan Keson qalasynda alǵash ret koronavırýs juqtyrý jaǵdaıy tirkeldi. Infektsııany 19 shilde kúni Koreıa Respýblıkasynan oralǵan «qashqyn» alyp keldi degen kúdik bar, dep habarlaıdy QazAqparat Qytaı ortalyq telearnasyna (CCTV) silteme jasap.
CCTV arnasynyń málimetinshe, patsıenttiń tynys alý joldary men qan taldaýyn teksergen soń mamandar ony koronavırýs bolýy múmkin degen boljam aıtqan.
Koreıa ortalyq telegraf agenttiginiń aqparatyna sensek, senbi kúni Koreıa Eńbek partııasy ortalyq komıteti saıası bıýrosynyń keńeıtilgen májilisinde QHDR kóshbasshysy Kım Chen Yn atalǵan aımaqta tótenshe jaǵdaı rejımin jarııalaǵan. Sondaı-aq memlekettiń epıdemııaǵa qarsy kúres júıesi barynsha myǵym daıyndyqqa kóshti.
24 shilde kúni Keson qalasynda lokdaýn rejımi engizilip, onyń aýdandary bir-birinen oqshaýlandy.
Koronavırýs juqtyrdy degen kúdikti naýqas qazir karantınde jatyr. Onymen baılanysta bolǵan barlyq adamdar jáne taıaýda Kesonǵa barǵan turǵyndar anyqtalyp, esepke alynyp jatyr.
