Soltústik Koreıa zymyrandardyń kezekti synaǵyn ótkizdi
NUR-SULTAN. QazAqparat-Yonhap - Ońtústik Koreıanyń Qarýly kúshteri Shtab basshylyǵy komıtetiniń (JCS) habarlaýynsha, beısenbi kúni Soltústik Koreıa shaǵyn qashyqtyqqa arnalǵan eki zymyran ushyrǵan. Yonhap agenttiniń habarlaýynsha, bul oqıǵa Soltústik Koreıa Shyǵys teńizge zymyran jibergennen bes kún ótkende bolǵan.
«Zymyrandar Kýsongtyń soltústik-shyǵysynan shyǵysqa qaraı saǵat 16:29 jáne keshki 4:39-da jiberilip, bireýi 420 km, ekinshisi 270 km qashyqtyqtan soń Shyǵys teńizine túsken. Bizdiń áskerıler baqylaýdy kúsheıtti jáne Soltústik Koreıanyń taǵy zymyran jiberýi múmkin ekenin eskertip AQSh-pen tyǵyz koordınatsııa jasady», - dep habarlady Shtab basshylyǵy komıtetiniń ókilderi. Olar zymyrannyń dál qaı jerge qonǵanyn naqty anyqtamady jáne Ońtústik Koreıa men AQSh zymyrandardyń detaldaryna analız jasap jatqanyn habarlady.
Japonııanyń qorǵanys mınıstrligi bes kún buryn ushyrylǵan zymyrandardan soń: «Japonııaǵa qaýip tónip turǵan joq. Japonııa aýmaǵyndaǵy teńizge zymyran qonbady» dep málimdeme jasaǵan bolatyn. Al atalǵan oqıǵadan keıin Japonııa qorǵanys mınıstrligi shuǵyl jınalys ashty.
Ońtústik Koreıa prezıdentiniń ákimshiligi qaýipsizdik jaǵdaıyn jiti baqylap otyrǵanyn habarlady.
