Soltústik Koreıa Japonııaǵa qaraı zymyran ushyrdy
ASTANA. QazAqparat - Soltústik Koreıa taǵy da orta qashyqtyqta ushatyn ballıstıkalyq zymyrandy ushyrdy. Zymyrannyń ushyrylǵanyn AQSh qarýly kúshteri tynyqmuhıttyq qolbasshylyǵy da naqtylap otyr, dep jazady Bı-bı-sı.
Zymyran Koreı túbeginiń shyǵys jaǵalaýynan Japonııaǵa qaraı baǵyttalǵan.
Amerıkalyq áskerılerdiń málimeti boıynsha, zymyran Japon teńiziniń beıtarap aımaǵyna qulaǵan.
Ońtústik Koreıanyń Qorǵanys mınıstrligi taratqan aqparat boıynsha, zymyran 9 mınýt boıy ushqan. Osy ýaqyt aralyǵynda ol 60 km qashyqtyqty júrip ótken.
Soltústik Koreıanyń bul jolǵy zymyran synaǵy QHR Tóraǵasy Sı Tszınpınniń AQSh-qa barýyna 1 kún qalǵanda jasalyp otyr.
Qytaı kóshbasshysynyń Donald Tramppen aradaǵy talqylaıtyn máseleleriniń biri osy Phenıannyń zymyran-ıadrolyq áleýetin aýyzdyqtaý bolyp tabylady.
