Soltústik Koreıa Japonııaǵa qaraı eki zymyran ushyrdy
TOKIO. QazAqparat – Jeksenbi kúni Soltústik Koreıa Japon teńizine qaraı jaqyn qashyqtyqtay eki ballıstıkalyq zymyrandy ushyrdy. Bul týraly QazAqparat Kyodo agenttigine silteme jasap habarlaıdy.
Japonııa qorǵanys mınıstrligi eki snarıadtyń shyǵys jaǵalaýynan soltústik-shyǵys baǵytta saǵat tańǵy 6:10-da ushyrylyp, teńizge qulamas buryn, Japonııanyń jaǵalaýdaǵy ekonomıkalyq aımaǵynyń syrtyndaǵy núktesinde 250 metrdeı jerge ushqanyn málim etti.
Osy aı bastalǵaly Soltústik Koreıa AQSh Qaýipsizdik keńesiniń ballıstıkalyq zymyrandar tehnologııasy qoldanylatyn kez kelgen ushyrýǵa tyıym salǵanyna qaramastan, snarıadtaryn kezekti ret ushyrdy.
Japonııa úkimetiniń habarlaýynsha, 2 jáne 9 naýryzda Soltústik Koreıa shyǵys aýdandarynan ushyrylǵan snarıadtar - shaǵyn qashyqtyqtaǵy ballıstıkalyq zymyrandar. Sonymen birge, 21 naýryzda Soltústik Koreıa batys aýdanynan eki ballıstıkalyq zymyran ushyrǵan.
«Biz Soltústik Koreıanyń álemdik qaýymdastyqqa nege qarsy shyǵyp jatqanyn muqııat taldaımyz», - dep málimdedi jeksenbi kúni tańerteń Japonııanyń Qorǵanys mınıstri Taro Kono .
