Soltústik Koreıa jańa áýe qorǵanysy júıesin synaqtan ótkizdi
ASTANA. QazAqparat - QHDR áýe qorǵanysynyń jańa júıesin synaqtan ókizdi, dep habarlady Koreıanyń ortalyq telegraf agenttigi. Bul týraly korrespondent.net jazdy.
Synaqtyń qaı kúni jáne qaı jerde ótkizilgendigi týraly habarlanbaǵan. Aqparatta tek synaqqa Soltústik Koreıanyń kóshbasshysy Kım Chen Ynnyń qatysqandyǵy ǵana aıtylady.
Phenıan ókilderiniń habarlaýynsha, jańa áýe qorǵanysy júıesi Ulttyq áskerı ǵylymdar akademııasynyń ókilderi tarapynan daıyndalǵan. Sondaı-aq ótken jylmen salystyrǵanda júıeniń múmkindikteri nysanany izdep tabý jáne onyń izine túsý sondaı-aq dálme-dál soqqy berý jaǵynan jaqsy jetildirilgen.
Kım Chen Yn ótken jyly málim bolǵan birqatar kemshilikterdi joıýdyń múmkindigi týǵandyǵyn aıtady. Ol atalmysh qarý túriniń óndirisin jaqsy jolǵa qoıyp, búkil el boıynsha ornalystyrý jóninde tapsyrma bergen.
