Soltústik Koreıa ıadrolyq synaqtardy toqtatý sharttaryn atady
ASTANA. QazAqparat - Eger AQSh Ońtústik Koreıamen áskerı jattyǵýlaryn úzetin bolsa, KHDR ıadrolyq synaqtaryn toqtatady, dep habarlady RIA Novostı soltústikkoreıalyq SІM basshysy Lı Sý Enge silteme jasap. .
Koreıa túbegindegi jaǵdaı 6 qańtardaǵy KHDR-dyń ıadrolyq qarýdy tórtinshi ret synaýynan jáne 7 aqpanda zymyran-tasyǵyshtyń kómegimen spýtnıkti ushyrýynan keıin shıelenisip ketti, Seýldiń paıymdaýynsha, ol 12 myń shaqyrym qashyqtyqqa ıadrolyq soqqy berýge paıdalanylýy múmkin.
Ótken juma kúni ońtústikkoreıalyq BAQ KHDR eldiń shyǵys jaǵalaýynan ortasha qashyqtyqtaǵy ballıstıkalyq zymyran ushyrýdy sátsiz júrgizdi, dep habarlady. Ońtústikkorıalyq barlaý málimetteri boıynsha, zymyran ushyrý bastalǵannan soń birneshe sekýndtan keıin radardan joǵalyp ketken. Mamandar ol áýede jarylǵan bolýy múmkin deıdi. BUU Qaýipsizdik Keńesi senbi kúni KHDR-dyń jańa ballıstıkalyq zymyrandy synaýdy júzege asyrýyn batyl aıyptady, mundaı ushyrýlar tipti sátsiz bolǵanyna qaramastan, BUU qararyn buzý dep málimdedi.
