Soltústik Koreıa ıadrolyq synaqtardy qaıta bastaıtynyn málimdedi
NUR-SULTAN. QazAqparat - Soltústik Koreıa basshysy Kım Chen Yn ıadrolyq synaq pen alys qashyqtyqtaǵy raketalardyń synaǵyn qaıta bastaıtynyn málimdedi, dep habarlaıdy QazAqparat VVS-ge silteme jasap.
Basylymnyń jazýynsha, bul kelisim Soltústik Koreıa men AQSh arasynda bolǵan kelissóz kezinde qabyldanǵan.
«Kım Chen Yn Soltústik Koreıanyń jańa strategııalyq qarý usynatynyn da aıtty. Degenmen, ol AQSh-ty dıalogqa shaqyryp, synaq «kólemi» Amerıkanyń pozıtsııasyna baılanysty bolatynyn aıtty», dep jazady basylym.
Sarapshylardyń aıtýynsha, bul sheshimge eki taraptyń ortaq kelisimge kele almaýy sebep bolyp otyr: Vashıngton Phenıan tolyǵymen ıadrolyq baǵdarlamadan bas tartpaı, sanktsııalardy alyp tastamaıtynyn málimdegen edi.
2019 jyldyń sońynda Soltústik Koreıa kishigirim qarýlardy synaqtan ótkizgen. Bul áreket AQSh-qa qysym kórsetý amaly retinde baǵalandy. Vashıngton kelissóziniń nátıjesinde Soltústik Koreıa ıadrolyq synaq pen ballıstıkalyq raketalar synaǵyna moratorıı jarııalaǵan bolatyn. Phenıan mundaı synaqtardy 2017 jyldan beri ótkizbedi.
Kım Chen Yn Soltústik Koreıa moratorıı kúshin joıatynyn, sebebi Vashıngton Ońtústik Koreıamen áskerı jattyǵýdy toqtatpaı, óz sanktsııalaryn kúsheıtip jatqanyn aıtty. Sonymen qatar, álem jańa strategııalyq qarýmen tanysatynyn málimdedi.
