Soltústik Koreıa ıadrolyq soqqy jasaý boıynsha oqý-jattyǵý ótkizip jatyr

SEÝL. QazAqparat – Soltústik Koreıa alystan shabýyl jasaıtyn qanatty eki zymyrynmen taktıkalyq ıadrolyq shabýyldyń ımıtatsııasyn ótkizdi. Bul, eldiń ıadrolyq qarýǵa daıyn ekendigin kórsetetin «jaýlarǵa eskertý». Bul týraly jeksenbi kúni Koreıa ortalyq telegraf agenttigi jazdy, dep habarlaıdy QazAqparat.

Málim etilgendeı, senbi kúngi oqý-jattyǵý sátti ótti: ıadrolyq qarýdyń maketi bar eki qanatty zymyran Koreı túbegindegi Batys teńizge qaraı jiberilip, kórsetilgen 150 metr bıikte 1500 shaqyrym (930 mıl) ushyp ótti.

Sondaı-aq Phenıan AQSh pen Ońtústik Koreıaǵa qarsy turatyn áskerı kúshterin nyǵaıta beretinin málimdedi.

Sondaı-aq Soltústik Koreıa kóshbasshysy Kım Chen Yn Pýkchjýndegi keme qozǵaltqyshyn shyǵaratyn mashına jasaý keshenine jáne oq-dári óndiretin zaýytqa baryp, Phenıannyń áskerı-teńiz kúshterin nyǵaıtýdyń mańyzdy ekenin atap ótti.