Soltústik Koreıa ıadrolyq qarýmen jabdyqtalǵan súńgýir qaıyqty qoldanysqa berdi

ASTANA. QazAqparat – Soltústik Koreıa taktıkalyq ıadrolyq qarýmen jabdyqtalǵan atomdyq súńgýir qaıyǵyn sýǵa jiberdi, dep habarlaıdy QazAqparat Euronews-ke silteme jasap.

KCNA memlekettik aqparat agenttiginiń dereginshe, jańa súńgýir qaıyq sársenbi kúni Soltústik Koreıa prezıdenti Kım Chen Yn qatysqan is-sharada tanystyryldy. Onyń aıtýynsha, «bul – keleshekte ıadrolyq qarýdy qarqyndy damytýdyń bir bóligi».

№ 841 súńgýir qaıyqqa atalǵan eldiń qaharmany Kım Kýn Oktyń esimi berilgen.

Kım Chen Yn KHDR sýasty qaıyqtarynyń barlyǵyn ıadrolyq qarýmen jabdyqtalǵan áskerı kemege aınaldyratynyn atap ótti.

Nuclear Threat Initiative Amerıka analıtıkalyq ortalyǵynyń deregi boıynsha, Soltústik Koreıada 64-ten 86-ǵa deıin sýasty qaıyǵy bar. Ol – álemdegi eń iri sýasty flottarynyń biri. Degenmen sarapshylar súńgýir qaıyqtardyń jylyn eskere otyryp, olardyń bári jumys isteıtinine kúmánmen qaraıdy.