Soltústik Koreıa ıadrolyq qarýdan bas tartatyndyǵyn taǵy da málimdedi
SEÝL. QazAqparat - Soltústik Koreıa kóshbasshysy Kım Chen Yn Koreı túbegin ıadrolyq qarýsyzdandyrýǵa jáne AQSh prezıdenti Donald Tramppen sammıt ótkizýge daıyn ekendigin rastady, dep málimdedi jeksenbi kúni Ońtústik Koreıa prezıdenti Mýn Chje By. Bul týraly QazAqparat Renhap agenttigine silteme jasap habarlaıdy.
«Koreıa kóshbasshysy Kım Chen Yn Phanmýndjom deklaratsııasyna qol qoıǵannan keıin Koreı túbegin tolyqtaı ıadrolyq qarýsyzdardyratynyn kezekti ret jetkizdi. Sondaı-aq, ol AQSh pen Soltústik Koreıa sammıtin ótkizý nátıjesinde konfrontatsııaǵa jáne soǵysqa núkte qoıýǵa nıetti», - dedi prezıdent Mýn senbi kúni ótken baspasóz máslıhatynda.
«Biz, eki eldiń kóshbasshylary, Soltústi Koreıa-AQSh sammıtin 12 maýsymda ótkizýge kelistik», - dep atap ótti Ońtústik Koreıa prezıdenti.
Koreıaaralyq sammıt sońǵy ret Phanmýndjomda, eki Koreıany bólip turǵan shekara aýylynda ótken bolatyn. Sol jerde 27 sáýirde Soltústik jáne Ońtústik Koreıa kóshbasshylarynyń alǵashqy sammıti ótti.
«AQSh prezıdenti Tramppen ótken aptada bolǵan sammıttiń qorytyndysy týraly aıtar bolsaq, men AQSh prezıdentiniń eger Kım Chen Yn tolyq ıadrolyq qarýsyzdandyrý týraly sheshim qabyldap, sony oryndasa, Soltústik Koreıamen dushpandyq qatynasyn toqtatyp, ekonomıkalyq yntymaqtastyq jasaıtyny týraly habarlamasyn jetkizdim», - dep jetkizdi Mýn.
Ońtústik Koreıa prezıdenti dúısenbi-sársenbi aralyǵynda Vashıngtonǵa saparmen bardy.
«Keshe prezıdent Kım Chen Yn Koreı túbegin tolyqtaı ıadrolyq qarýsyzdandyratynyn anyq rastady. Prezıdent Kım AQSh-tyń ýádesine senýge bolatynyna tolyqtaı kóz jetkize almaı otyr», - dep atap ótti Mýn.
Eske salaıyq, AQSh prezıdenti Donald Tramp juma kúni Soltústik Koreıa kóshbasshysy Kım Chen Ynmen josparlanǵan kezdesýdiń 12 maýsymda ótýi múmkin ekendigin málimdegen edi.
