Soltústik Koreıa ýran baıytýǵa arnalǵan birneshe myń tsentrıfýgasynyń bar ekenin málim etti
ASTANA. 30 qarasha. QazAqparat - Koreıa Halyq Demokratııalyq Respýblıkasy seısenbi kúni málimdeme jasap,
óziniń ıadrolyq baǵdarlamasyn keńeıtý josparyn resmı jarııa etti jáne ýrandy baıytý jónindegi kásiporyndarynda birneshe myńdaı tsentrıfýganyń jumys istep jatqanyn aıtty, dep habarlaıdy «RIA «Novostı» agenttigi.
«Qazirgi tańda elde jeńil sýdyń negizinde jumys isteıtin reaktordyń qurylysy júrip jatyr. Ony otynmen qamtamasyz etý úshin birneshe myńdaǵan tsentrıfýgamen jaraqtalǵan kásiporyn jumys isteýde», dep jazady Koreıanyń Eńbek partııasynyń ortalyq basylym organy "Nodon Sınmýn" gazeti.
Al Koreıanyń Ortalyq telegraf agenttigi, «beıbit maqsattaǵy ıadrolyq energetıka nysandaryn damytý isi keleshekte budan da belsendirek júrgiziletinin» habarlap otyr.
Buǵan deıin Soltústik Koreıa elde jeńil sýly reaktormen jumys isteıtin atom-elektr stansylary úshin ýrandy baıytýǵa arnalǵan 2 myń ǵana tsentrıfýganyń jumys isteıtinin aıtqan bolatyn. 3-5 paıyzǵa deıin baıytylǵan ýran-238 materıaly atomdyq-elektr stansylaryna otyn bola alady. Al atom qarýyn jasaý úshin ýrandy 90 paıyzǵa deıin baıytý kerek. Biraq ol úshin joǵary tehnologııalar qajet. Sarapshylardyń paıymdaýynsha, Soltústik Koreıada ázirge ondaı tehnologııalar joq, biraq eldiń oǵan ıe bolatyn kúni alys emes.
