Soltústik Koreıa týrıster úshin shekarasyn japty
ASTANA. QazAqparat - Koreıa Halyq Demokratııalyq Respýblıkasy Ebola bezgeginiń taralýyna baılanysty shetel týrısteri úshin shekarany jabýdy josparlaǵan edi. Soltústik Koreıaǵa jol 24 qazannan jabylmaq, dep habarlaıdy sheteldik BAQ.
Bul sharalar týraly Qytaıda jumys isteıtin birqatar týrıstik agenttikter arqyly belgili boldy.
«Biz jańalyqty Phenıandaǵy áriptesterimizden estidik, búginnen bastap ol el týrısterdi engizbeıdi. Bul Ebola vırýsynyń taralý qaýpine qatysty saqtyq sharalary» , - dep habarlady agenttikterdiń birinen.
Onda tyıym týrıstiń qaı elde bolǵan-bolmaǵanyn teksermeı-aq, barlyq týrısterge qatysty qoldanylatyny aıtylǵan. Bul tyıym qansha ýaqytqa sozylatyny ázirge belgisiz.
