Soltústik Koreıa taǵy da Japonııaǵa qaraı ballıstıkalyq zymyran ushyrdy
ASTANA. QazAqparat - Soltústik Koreıa bıligi qurlyqaralyq ballıstıkalyq zymyrannyń jańa synaǵyn ótkizdi. Bul týraly QazAqparat VVS agenttigine silteme jasap habarlaıdy.
Bul oqıǵa Ońtústik Koreıa men Japonııa basshylarynyń tarıhı kezdesýi bastalardan birneshe saǵat buryn boldy.
Soltústik Koreıanyń beısenbi tańynda zymyran ushyrǵanyn Tokıo men Seýl rastady.
Zymyrannyń myń shaqyrymdaı ushyp, Japonııanyń batysyna qaraı, eldiń teńiz ekonomıkalyq aımaǵynan tys jerge qonǵany habarlanady.
Ońtústik Koreıa áskerıleri zymyran jergilikti ýaqyt boıynsha tańǵy saǵat 07:10-da Phenıannan ushyrylǵanyn málimdedi.
Japon armııasynyń málimetinshe, qurlyqaralyq ballıstıkalyq zymyran 6 myń shaqyrym bıiktikte shamamen 70 mınýt ushyp ótken.
Japon sheneýnikteri ushyrylymnan qandaı da bir shyǵyn bolǵany týraly aqparat bergen joq.
Bul - Soltústik Koreıanyń sońǵy aptada tórtinshi márte zymyran ushyrýy. Degenmen, aldyńǵy úsheýi qysqa qashyqtyqtaǵy zymyrandar edi.
