Soltústik Koreıa sýtegi bombasyn sátti synaǵanyn jarııa etti
ASTANA. QazAqparat - Soltústik Koreıa tuńǵysh ret sýtegi bombasy synaǵynyń sátti ótkendigin jarııalady, dep habarlaıdy Bı-Bı-Sı agenttigi.
Soltústik Koreıanyń memlekettik arnasynan bul aqparatty jarııa etkenge deıin, birneshe saǵat buryn AQSh-tyń Geologııalyq qyzmeti eldiń soltústik-shyǵysyndaǵy ıadrolyq polıgondardyń birinen magnıtýdasy 5,1 jer asty dúmpýlerin tirkegen.
"Bul synaq Soltústik Koreıanyń ıadrolyq kúshterin jańa deńgeıge jetkenin bildiredi», - delingen soltústik koreıalyq resmı BAQ-ta jarııalanǵan úkimettiń málimdemesinde.
Sýtegi bombasyn synaý - bul «Chýchhe tóńkerisshil ıdealdar jeńisin jaqyndata túsiretin, bizdiń tarıhymyzǵa engiziletin... álemdi dúr silkindirgen oqıǵa», delingen málimdemede.
Nıý-Iorkte BUU Qaýipsizdik Keńesi tótenshe kezdesýge jınalatyndyǵy jarııa etildi.
Ótken jeltoqsan aıynda Soltústik Koreıa basshysy Kım Chen Yn Phenıan óziniń sýtegi bombasyn jasap shyqqandyǵyn málimdegenimen, oǵan halyqaralyq qoǵamdastyq sene qoımaǵan bolatyn.
