Soltústik Koreıa súńgýir kemeden zymyran ushyrdy
ASTANA. QazAqparat - Soltústik Koreıa senbi kúni Japon teńizine súńgýir kemeden ushyrylǵan ballıstıkalyq zymyranyn synaqtan ótkizdi, dep habarlady Bı-bı-sı Ońtústik Koreıanyń qorǵanys mınıstrligine silteme jasap.
Ushyrý Soltústik Koreıadaǵy Sınpho aılaǵynyń mańynda ótti.
Ońtústik Koreıa qorǵanys mınıstrligi áskerılerdiń KHDR áreketin baqylap otyrǵandyǵyn málimdedi.
Ońtústik Koreıa ushyrý sátti ótti me, zymyran alysqa ushty ma jáne jerge qondy ma, ol jaǵyna senimsiz bolyp otyr.
Soltústik Koreıa súńgýir kemeler úshin ballıstıkalyq zymyrandar óndirisi boıynsha tehnologııalardy damytýǵa tyrysýda. Eger osy áreketter tabysty ótse, onda osy elden ıadrolyq qaýip eleýli túrde arta túspek. QHDR mundaı zymyrandardyń birqatar synaqtaryn ótkizdi, alaıda sarapshylar olardyń oıdaǵydaı ótkenine kúmán keltiredi.
Seýl Soltústik Koreıanyń jańa ıadrolyq synaqtar ótkizýge ázirlenip jatqanyn dúısenbide eskertken bolatyn. Qańtar aıynda KHDR sýtegi bombasynyń synaǵyn oıdaǵydaı ótkizgenin málimdedi. Bul osy elge jańa sanktsııalar engizýge sebep boldy.
Sáýirdiń ortasynda Soltústik Koreıanyń ballıstıkalyq zymyran ushyrýy sátsiz aıaqtalǵan bolatyn.
