Soltústik Koreıa sportshylary XXIII qysqy Olımpıada oıyndaryna qatysatyn boldy
Bul týraly Bloomberg jáne Reuters aqparat agenttikteri Phanmýndjom shekara beketinde ótip jatqan Seýl men Phenıan arasynda kelissóz barysynda belgili boldy dep jazdy. Endi Phenıan Qysqy Oıyndarǵa sportshylarmen qatar, jankúıerlerdi jáne arnaıy delegatsııany jiberedi.
Esterińizge sala keteıik, osyǵan deıin búgin tańerteń Phamýndjom shekara beketinde Koreıa Respýblıkasy men KHDR arasyndaǵy qatynastardy qalyptastyrý maqsatynda kelissózder bastalǵanyn qabarlaǵan bolatynbyz.
Koreıaaralyq kelissózderdiń basty taqyryby Seýl men Phenıan arasyndaǵy qarym-qatynastardy jaqsartý, onyń ishinde KHDR sportshylaryn Phenchanda ótetin qysqy Olımpıadaǵa qatystyrý boldy.
Qazir Soltústik Koreıadan mánerlep syrǵanaýdan bir jup joldama alǵan. Qysqy oıyndarǵa sportshylardy tirkeý aıaqtalyp qoıǵan. Biraq Halyqaralyq olımpıada komıteti Soltústik Koreıa sportshylaryn tirkeýge daıyn ekenin málimdedi.
Qos taraptyń kelisózder tobyna bes-bes adamnan kiredi. Koreıa Respýblıkasynyń delegatsııasyn birigý mınıstri Cho Men Gen bastap kelse, KHDR jaǵyna Koreıanyń beıbit birigý komıtetiniń tóraǵasy Rı Son Gvon basshylyq etedi.
