Soltústik Koreıa Shyǵys teńizine qaraı taǵy zymyran ushyrdy – BAQ
SEÝL. YONHAP – QazAqparat – Soltústik Koreıa jeksenbi kúni Shyǵys teńizine qaraı boljam boıynsha anyqtalmaǵan ballıstıkalyq zymyran ushyrdy. Bul týraly YONHAP agenttigi eldiń qorǵanys vedomstvosyna silteme jasap jazdy, dep habarlaıdy QazAqparat.
Shtabtar bastyǵynyń birlesken komıtetinen málim etkendeı, bul ushyrylym eki apta ishinde jasalǵan «jetinshi arańdatý». Ózge málimetter jarııalanbady.
Aıta ketsek, senbi kúni Ońtústik Koreıa men AQSh amerıka avıatasymaldaǵyshy jumyldyrylǵan áskerı-teńiz kúshteriniń oqý-jattyǵýyn aıaqtaǵan bolatyn.
«Bir kún buryn Koreı Halyq Demokratııalyq Respýblıkasynyń Ulttyq avıatsııa basqarmasy Phenıannyń raketa synaqtary «qorǵanys» bolyp tabylatynyn málimdegen edi. Sebebi AQSh-ty áskerı qaýip dep esepteıdi», - dep jazady YONHAP.
Birer kún buryn ǵana Soltústik Koreıa Japon teńizine qaraı eki ballıstıkalyq zymyran ushyrǵanyn jazǵan bolatynbyz.
