Soltústik Koreıa Shyǵys teńizine eki zymyran ushyrdy
SEÝL. QazAqparat – Soltústik Koreıa senbi kúni Ońtústik Koreıa aýmaǵyndaǵy Shyǵys teńizine qaraı eki snarıad ushyrdy. Aldyn ala málimet boıynsha, jaqyn dáldikke arnalǵan ballıstıkalyq raketalar paıdalanylǵan. Bul týraly Yonhap agenttigi Ońtústik Koreıanyń Shtabtar bastyǵy birlesken komıtetine (JCS) silteme jasap habarlady.
Atap ótilgendeı, bul mundaı serııadaǵy raketalardyń osy aıdaǵy ekinshi ushyrylymy.
Zymyrandar 410 shaqyrym uzaqtyqqa jáne 50 shaqyrym bıiktikke ushqan.
«Ońtústik Koreıa men AQSh-tyń barlaý organdary ózge málimetterdi taldaýda. Bizdiń áskerıler qosymsha ushyrylymdar bolǵan jaǵdaıǵa jáne shabýylǵa daıyndyqty ustap turý úshin máseleni baqylaýǵa aldy», - delingen JCS málimetinde.
JCS bútin álem koronavırýs pandemııasyna baılanysty qıyndyqqa ushyraǵan qazirgi kezde ushyrylymdardyń jasalýyn synǵa aldy. Sondaı-aq mundaı áskerı is-áreketterdi toqtatýǵa shaqyrdy.
Soltústik Koreıa zymyrandar synaǵyn bıyl úshinshi ret ótkizip otyr. Sońǵy ushyrylym 9 naýryzda jasalǵan bolatyn.
