Soltústik Koreıa shekaradaǵy artıllerııalyq qarý sanyn arttyrdy
ASTANA. QazAqparat - Soltústik Koreıanyń áskerı qolbasshylyǵy eldiń ońtústik shekarasynda artıllerııalyq qarý sanyn eki esege arttyrǵan. Al 77 súńgýir qaıyqtyń 50-i Japon teńizi men Sary teńizdegi bazalarda joq bolyp shyqty.
Bul týraly 24.kz habarlady.
Qazir olardyń naqty orny belgisiz kúıinde qalyp otyr. Bul týraly Ońtústik Koreıanyń aqparat kózderi habarlaıdy.
Esterińizde sala ketsek, Seýl men Phenıannyń qarym-qatynasy 20 tamyzdan keıin ýshyǵyp ketken bolatyn. Sol tusta eki memleket bir-birin artıllerııalyq qarýmen atqylady. Búgin endi Koreı túbegindegi daǵdarysty retteý úshin kelissózder qaıta bastaldy. Basqosýǵa baýyrlas memleketterdiń joǵary laýazymdy tulǵaralary qatysýda. Kelissózdiń nátıjesin tek halyqaralyq uıymdar ǵana emes, sonymen qatar jergilikti turǵyndar da tosyp otyr.
