Soltústik Koreıa Seýlge otbasylardy qosý týraly kelissóz júrgizýdi usyndy
ASTANA. Qyrkúıektiń 11-i. QazAqparat - Soltústik Koreıa Seýlge Halyqaralyq Qyzyl Krest komıtetiniń aımaqtyq bóliminiń kómegimen 1950-1953 jyldardaǵy koreı soǵysy ajyratqan otbasylardy qosý týraly kelissóz júrgizýdi usynyp otyr, dep habarlady Reıter agenttigi Koreıanyń Ortalyq telegraf agenttigine silteme jasap.
Koreı agenttiginiń aqparaty boıynsha, Qyzyl Krest komıtetiniń Soltústik Koreıadaǵy bóliminiń basshysy óziniń ońtústikkoreılik áriptesine eki eldiń shekarasynda ornalasqan Kymgansan taýly kýrortynda kezinde bólinip ketken koreılik otbasylardyń kezdesýlerin uıymdastyrý týraly usynys jasaǵan. Reıter agenttiginiń habarlaýynsha, Qyzyl Krestiń ońtústikkoreılik bólimi bul usynysty el úkimetimen talqylamaq.
