Soltústik Koreıa Seýldiń úgit-nasıhatyna qarsy áskerı kúsh qoldanatynyn taǵy eskertti
ASTANA. QazAqparat - KHDR bıligi eger Ońtústik Koreıa shekaralyq aımaqta «soltústiktiń» rejimine qarsy úgit-nasıhat jumystaryn toqtatpaıtyn bolsa, qarýly kúsh qoldanatyn eskertti, dep habarlady «VVS» agenttigi.
Apta basynda soltústikkoreıalyq áskerıler olardyń rejimine qarsy Ońtústik Koreıa taratyp otyrǵan dybys kúsheıtkishti raketemen atyp joımaq bolǵan. KHDR-dyń BUU-daǵy ókili ońtústiktiń bul áreketin áskerı aktige sanaıtynyn jetkizdi. «Eger Ońtústik Koreıa bizdiń qoıyp otyrǵan talabymyzben kelispeıtin bolsa, bizdiń qarsy jaýabymyz da salmaqty bolmaq», - dedi Phenıan ókili. Taıaýda Soltústik Koreıa kóshbasshysy Kım Chen Yn áskerine daıyn bolýdy buıyrdy. Qarsysyna AQSh pen Ońtústik Koreıa birlesken áskerı jattyǵýlaryn qaıta jańǵyrtty.
