Soltústik Koreıa Seýlden kómek surady
ASTANA. Qyrkúıektiń 7-si. QazAqparat - Soltústik Koreıa eldiń soltústik-batysynda oryn alǵan sý tasqynynyń saldaryn joıýǵa kómek surap, Ońtústik Koreıaǵa ótinish jasady. Ońtústik Koreıanyń birlesken ister jónindegi mınıstri Hen In Tek, Phenıannyń ótinishi qaralyp jatqanyn málim etti, dep habarlaıdy «Azattyq» radıosy.
Buǵan deıin ońtústikkoreılik Qyzyl Krest zardap shekkenderge kómekke 8,5 mıllıon dollardaı aqsha bólýdi usynǵan bolatyn.
Al osydan birneshe kún buryn Phenıan ótken aıda eki eldiń arasyndaǵy teńiz shekarasynyń shyǵys jaǵalaýynda ustalǵan ońtústikkoreılik balyqshylardy bosatatynyn málim etti.
