Soltústik Koreıa Phenchhandaǵy Olımpıadaǵa 22 sportshy jibermek

ASTANA. QazAqparat - Phenchhandaǵy qysqy Olımpıadaǵa 22 soltústikkoreıalyq sportshy qatysady. Mundaı sheshimdi Halyqaralyq Olımpıada komıteti (HOK) qabyldaǵan, dep jazady VVS. 

Lozannda ótken otyrys barysynda HOK KHDR-ge Oıyndarǵa qatysýǵa kvota usynǵan. Soltústik Koreıanyń namysyn qorǵaıtyn sportshylar bes dıstsıplına boıynsha sporttyń úsh túrinen ótetin jarystarǵa qatysady: júgirý, taý shańǵysy, mánerlep syrǵanaý, short-trek jáne áıelder hokkeıi.

9 aqpanda ótetin Olımpıadanyń ashylý saltanatynda KHDR men Ońtústik Koreıa «birtutas Koreıa» jalaýynyń astynda birge ótedi. Týdy ár eldiń bir-birden eki sportshysy kóterip júredi.

HOK basshysy Tomas Bahtyń aıtýynsha, KHDR sport delegatsııasynyń quramynda 24 sheneýnik pen BAQ-tyń 21 ókili bolady.

Birikken áıelder hokkeı komandasynyń quramyna Oństústik Koreıanyń 23 sportshysy men KHDR-diń 12 sportshysy kiredi. 

Aıta keteıik, buǵan deıin biz Ońtústik Koreıanyń Phenchhan qalasynda ótetin XXIII Qysqy Olımpıada oıyndarynyń saltanatty alyshý rásiminde qos Koreıa bir týdyń astynda sportshylardy bastap shyǵatyndyǵy týraly habarlaǵan bolatynbyz.