Soltústik Koreıa Ońtústikpen tatýlasý shartyn buzdy
ASTANA. 14 QazAqparat - KHDR Koreıa Respýblıkasymen tatýlasý týraly kelisimdi jaramsyz dep jarııalady. Soltústik Koreıanyń halyqtyq qarýly kúshteri mınıstrligi de budan buryn habarlandyrylǵan Phenıan Seýlge shabýyl jasamaý týraly kelisimnen shyǵatyny týraly aqparatty qýattady.
Rosbalttyń ońtústikkoreıalyq "Renhal" agenttigine sliteme jasap habarlaýynsha, mınıstrlik Seýl men AQSh-tyń "soǵys órtin tutandyrýshylaryna" 1950-1953 jyldardaǵy Koreıa soǵysynan keıin jasalǵan tatýlasýdan shyǵatyndyǵyn, KHDR-di "endi eshteńe de baılanystyrmaıtynyn" eskerý qajettigi uqtyryldy. Phenıan óziniń ıadrolyq qarýlanýyn damytýǵa nıetti ekenin atap kórsetedi, bul oǵan AQSh jáne basqa da álemdik derjavalardyń qysymyna tótep berýge múmkindik bermek.
Budan buryn, 11 naýryzda soltústikkoreılik kóshbasshy Kım Chen Yn KHDR-dyń shekaralyq artıllerııa shebinde boldy jáne Soltústik Koreıa ońtústikkoreıalyq Pennendo shaǵyn aralyna soqqy berip, ony "ot-jalynǵa" aınaldyrýǵa ázir ekenin málimdedi. Shabýyl jasamaý týraly, sondaı-aq Koreıa túbegin birlesken ıadrolyq qarýdan azat aımaqqa aınaldyrý josparlarynan Phenıan 8 naýryzda bas tartty. 6 naýryzda Seýl eger Soltústik Koreıa tatýlasý týraly kelisimdi buzatyn bolsa, KHDR-ǵa qarsy áskerı kúsh qoldanatynyn málimdedi.
Eske sala keteıik, Soltústik jáne Ońtústik Koreıa arasyndaǵy shıelenistiń ýshyǵýy Phenıan 2013 jylǵy aqpanda jarııalaǵan ıadrolyq qarýdy synaýy boldy. Soltústik Koreıa sondaı-aq ǵaryshqa spýtnıkti zymyrantasyǵyshty oıdaǵydaı ushyrdy. Ońtústik Koreıa osydan keıin AQSh-tyń qatysýymen áskerı jattyǵýlardy belsendi júrgize bastady. Óz kezeginde AQSh pen BUU KHDR-ǵa qarsy jańa ekonomıkalyq sanktsııalar engizdi.
