Soltústik Koreıa Ońtústik Koreıamen arada jasalǵan shabýyl jasamaý týraly kelisimnen bas tartty
ASTANA. 8 naýryz. QazAqparat - Soltústik Koreıa buǵan deıin Ońtústik Koreıamen arada shabýyl jasamaý týraly jasalǵan beıbit kelisimnen birjaqty túrde bas tartatynyn málimdedi.
BUU qaýipsizdik keńesiniń Soltústik Koreıaǵa qatysty qabyldaǵan sońǵy sheshimine ile-shala resmı Phenıan osylaı jaýap berdi.
BUU-nyń qaýipsizdik keńesi halyqaralyq qaýymdastyqtyń tyıymyna qaramastan ıadrolyq synaq júrgizgen Soltústik Koreıa memleketine qarsy jańa sanktsııalar engizýdi biraýyzdan qoldap qarar qabyldaǵan.
Beısenbi kúni Soltústik Koreıa bıligi AQSh-qa qarsy «aldyn ala» ıadrolyq soqqy beretinin aıtyp ses kórsetken edi. AQSh Soltústik Koreıanyń zymyrandarynan qorǵanýǵa qabiletti ekendigin málimdedi, dep habarlaıdy «Azattyq».
