Soltústik Koreıa men Ońtústik Koreıanyń shekarasynda qarýly qaqtyǵys oryn aldy

Ońtústikkoreılik qolbasshylyqtyń málimeti boıynsha, memleketter arasyndaǵy batys teńiz ýchaskesiniń boıynda artıllerııalyq qarýlardan oq atyldy, dep habarlaıdy RBK agenttigi.

Oqıǵanyń mán-jaıy men kelýi múmkin zardaptar týraly tolyqqandy aqparattar túsken joq.

Jergilikti ókimettiń aqparaty boıynsha, Koreıa Halyq Demokratııalyq Respýblıkasynyń tarapynan Ońtústik Koreıa jaqqa birneshe ret oq atylǵan. Bul shabýylǵa shekara mańyndaǵy áskerı-teńiz bazasynan dereý jaýap berilgen.

Soltústik Koreıa ókimeti osydan birneshe kún buryn málimdeme jasap, Seýldi memleketter arasyndaǵy qarym-qatynasty qasaqana ýshyqtyryp otyr dep aıyptap, Ońtústik Koreıa tarapynan kez-kelgen agressııaǵa jaýap berýge ázir ekenin málim etken bolatyn. Soltústikkoreılik sheneýnikterdiń bul málimdemesine Ońtústik Koreıanyń qorǵanys mınıstrliginiń jaqynda jasaǵan málimdemesi jaýap bolyp tabylady. Seýl, atap aıtqanda, Soltústik Koreıa tarapynan ıadrolyq shabýylǵa ázirliktiń aıqyn belgileri baıqalsa, qarap qalmaıtynyn, «shabýyldyń aldyn alý maqsatynda soqqy berýge» ázir ekenin málim etken edi.