Soltústik Koreıa elde koronavırýstyń alǵashqy jaǵdaıy tirkelgenin málimdedi
Buǵan deıin Koreı Halyq Demokratııalyq Respýblıkasynyń bıligi pandemııa bastalǵaly elde koronavırýs ınfektsııasyn juqtyrýdyń birde-bir jaǵdaıy tirkelmegenin málimdep kelgen bolatyn.
Phenıanda jeksenbi kúni patsıentterden alynǵan synama koronavırýstyń «omıkron» shtamymen sáıkes keletinin kórsetken.
Іndetpen baılanysty eldegi «asa kúrdeli tótenshe jaǵdaıdy» talqylaý úshin Phenıanda prezıdent Kım Chen Ynniń qatysýymen saıası bıýro otyrysy ótti.
Otyrys barysynda Kım Chen Yn «kútpegen daǵdarysty» eńserýge ýáde etip, barlyq sheneýnikke vırýstyń taralýyna yqpal etýi múmkin barlyq joldardy buǵattaýdy tapsyrdy. Sondaı-aq ol shekara boıynda, sonyń ishinde teńizde jáne áýede qyraǵylyqty kúsheıtýdi júktedi.
Atap ótilgendeı, mundaǵy maqsat – eldi basqarýda turaqtylyqty qamtamasyz etý, vırýstyń taralýyn aýyzdyqtaý, sondaı-aq «indet oshaǵyn qysqa ýaqytta joıý úshin» anyqtalǵan naýqastardy emdeý.
