Soltústik Koreıa basshysy Kım Chen Yn Samchjıen qalasyn salýǵa úles qosqan eńbekkerlerge alǵys aıtty
PHENЬıAN. QazAqparat – KHDR Memlekettik keńesiniń tóraǵasy Kım Chen Yn Samchjıen qalasynda sońǵy jyldary bolǵan úlken qurylys jumysshylaryna alǵysyn bildirdi, dep habarlaıdy QazAqparat.
Reseılik TASS agenttiginiń habarlaýynsha, bul týraly jeksenbi kúni halyq respýblıkasynyń «Nodon sınmýn» ortalyq gazeti jazǵan.
«Qurmetti joǵarǵy basshy Kım Chen Yn myrza Samchjıen qalasyn qurýǵa shynaıy úlesin qosqan jumyskerlerge alǵysyn bildirdi», - delingen maqalada.
«Bul rette basylym qurylysshylarǵa alǵys joldaý qashan jiberilgenin, sondaı-aq halyq respýblıkasynyń basshysy qazirgi kezde qaıda ekeni týraly esh málimet joq», dep jazady TASS.
Osy arada, Koreıa Ortalyq telegraf agenttigi (KOTA ) búgin tańerteń RFKP tóraǵasy G.A.Zıýganovtyń Kım Chen Ynǵa 2019 jyldyń 25 sáýirinde Reseı men KHDR kóshbasshylarynyń Vladıvostokta ótken sammıtiniń bir jyldyǵyna oraı quttyqtaý jedelhatyn jibergeni týraly habarlady.
Al 22 sáýirde, KOTA-nyń aqparatynsha, Kım Chen Yn Sırııa Arab Respýblıkasynyń prezıdenti Bashar Ál-Asadqa jedelhat jibergen.
Bul rette BAQ Kımniń 11 sáýirden bastap halyq aldyna shyqpaǵany týraly eshteńe habarlaǵan joq, bul eldiń 36 jastaǵy kóshbasshysynyń aýyr dertke shaldyqqany týraly ósek-aıańǵa sebep bolǵan, dep jazady Renhap .
Soltústik Koreıanyń buqaralyq aqparat quraldary Kım Chen Ynnyń densaýlyǵyna qatysty aqparattardy jarııalamaıdy. Bunyń ornyna Phenıanniń nasıhat ortalyqtary Koreıa halyqtyq revolıýtsııalyq armııasynyń qurylýynyń 88-jyldyǵy týraly belsendi jazǵan.
Osy arada, Reuters Qytaıdyń Soltústik Koreıaǵa dárigerler men sheneýnikterdiń bir tobyn jibergeni týraly habarlady. Qytaı Kommýnıstik partııasynyń halyqaralyq baılanys bóliminiń qyzmetkeri bastaǵan delegatsııa beısenbi kúni Beıjińnen Soltústik Koreıaǵa attandy.
