Soltústik Koreıa basshysy Kım Chen Yn 40 táýlikten beri alǵash ret qarasyn kórsetti
SEÝL. QazAqparat - Soltústik Koreıa basshysy Kım Chen Yn búgin bir aıdan astam ýaqyttyń ishinde alǵash ret kópshilik aldyna shyqty.
Soltústik Koreıanyń ortalyq telegraf agenttiginiń habarlaýynsha, Kım Chen Yn QHDR Ǵylym akademııasynyń Tabıǵı energııa resýrstary ınstıtýtyn jáne ǵalymdarǵa arnalǵan Wisong turǵyn úı keshenine bas suqqan. Bul habar álemdik BAQ-ta tarap ketken qaýesetti joqqa shyǵardy. Aıta keteıik, 3 qyrkúıekten keıin kópshilik aldyna shyqpaı ketken Kım Chen Yn "úı qamaýynda otyr, al eldiń ishinde búlik oryn aldy" degen joramaldar jasalǵan bolatyn. "Turǵyn úılerdiń ádemi túrli-tústi qasbetterin kórgen ol qurylystyń sapasyna dán rıza boldy. Onyń aıtýynsha, úıler keremet peızaj kórinisterimen kómkerilip, tamasha sáýlet nysanyna aınalǵandyǵyn atap ótti", - delingen Ortalyq telegraf agenttiginiń habarlamasynda. Kım 2011 jyly onyń ákesi Kım Chen Irdiń qaıtys bolýynan keıin bılik basyna kelgen bolatyn.
