Soltústik Koreıa basshysy eldiń qarýly kúshterine AQSh-tyń áskerı bazalaryna soqqy jasaýǵa daıyndalýǵa buıryq berdi
ASTANA. 29 naýryz. QazAqparat - KHDR kóshbasshysy Kım Chen Yn eldiń qarýly kúshterine AQSh-tyń Ońtústik Koreıa men Tynyq muhıtyndaǵy áskerı bazalaryna soqqy jasaýǵa daıyndalýǵa buıryq berdi, dep habarlaıdy Reuters KCNA soltústikkoreıalyq agenttigine silteme jasap.
Bul buıryq amerıkandyq B-52 jáne B-2 bombalaýshy ushaqtarynyń KHDR shekarasynyń mańyna ushyp kelgennen keıin shyǵaryldy.
Kım Chen Yn generaldarmen keńesken soń, strategııalyq raketalyq áskerdiń qarsylas tarapynan arandatýshylyq oryn alǵan jaǵdaıda AQSh-tyń Gýam, Gavaı jáne Ońtústik Koreıadaǵy bazalaryna soqqy jasaýǵa daıyndyǵynyń qorytyndy josparyna qol qoıdy.
Kım Chen Yn bılikke kelgeli KHDR jańa tarıhynda úshinshi ret ıadrolyq qarýdy synaqtan ótkizdi, sondaı-aq keń kólemdi «beıbit» ǵarysh baǵdarlamasyn bastaıtynyn málimdedi.
