Soltústik Koreıa BAQ-tary Kım Chen Yndy partııa kósemi dep atady
ASTANA. 26 jeltoqsan. QazAqparat - Kım Chen Yn ákesi qaıtys bolǵannan keıin bosaǵan basshylyq laýazymdarǵa ıe bolýda, dep habarlady Bı-Bı-Sı agenttigi.
Soltústikkoreıalyq BAQ-tardyń habarlaýynsha, budan 10 kún buryn qaıtys bolǵan KHDR kóshbasshysy Kım Chen Irdiń kishi uly - Kım Chen Yn osy eldiń kommýnıstik partııasynyń ózekti laýazymyna otyrdy.
Rodong Sinmun gazeti ony Koreıa Eńbek partııasy Ortalyq Komıtetiniń basshysy dep atady. QHDR áskerıleri «sarbazdar OK basshysy Kım Chen Yndy qorǵaý úshin óz ómirin qııýy tıis» degen urandy qoldady.
Kım Chen Ir qaıtys bolǵany týraly habardan soń-aq soltústikkorelyq BAQ ony «uly murager», al keıinnen «joǵarǵy bas qolbasshy» dep atady.
Ol Kım Chen Irdi jerleý jónindegi komıssııa tiziminiń de basynda tur.
Mine osy jaǵdaılardyń bárin kóptegen baqylaýshylar naq osy Kım Chen Yn KHDR-dyń jańa basshysy dep paıymdaýǵa negiz bolady dep sanaıdy.
Kım Chen Irdi jerleý senbi kúni bolmaq.
