Soltústik Koreıa áskerı kemeniń apatqa ushyraǵandyǵyn rastap otyr
ASTANA. 5 qarasha. QazAqparat - Ótken aptada soltústikkoreıalyq áskerı kemesi batyp, birneshe teńizshi opat boldy. Bul oqıǵany osy eldiń bıligi rastap otyr, dep jazady VVS.
Soltústik Koreıanyń memlekettik BAQ-tarynyń habarlaýynsha, eldiń basshysy Kım Chen Yn sýǵa batqan keme ekıpajyn eske alyp, qurmet kórsetý úshin áskerı-teńiz qorymyna sapar jasaǵan. Taratylǵan málimetterge qaraǵanda, áskerı keme jaýyngerlik maqsattaryn oryndaý kezinde opat bolǵan. Alaıda apattyń tolyq sebep-saldary jaıyndaǵy derekter naqtylanbady. Soltústik Koreıa úlken áskerge ıe bolyp otyr. Biraq ta olar paıdalanyp otyrǵan quraldar men jabdyqtar eskirgen jáne olar nashar jaǵdaıda degen pikir aıtylýda.
