Soltústik Koreıa armııasy jaýyngerlik ázirlikke keltirildi
ASTANA. Mamyrdyń 25-i. QazAqparat - Koreıa Halyqtyq Demokratııalyq Respýblıkasynyń basshysy Kım Chen Ir el Qarýly kúshteriniń tolyq jaýyngerlik ázirlikke keltirilgenin jarııa etti. Bul týraly Ońtústik Koreıanyń buqaralyq aqparat quraldaryna silteme jasap «Eho Moskvy» radıosy habarlady.
Ońtústik Koreıanyń «Shonan» korvetiniń apat bolý sebebin tekserý jónindegi halyqaralyq komıssııanyń qorytyndysy jarııa etilgennen beri Koreı túbegindegi ahýal ýshyǵyp otyr.
Halyqaralyq sarapshylardyń aıtýynsha, keme soltústikkoreılik súńgýir qaıyq jibergen torpedonyń saldarynan jarylyp, sýǵa ketken. Al Phenıan bolsa, naýryz aıynda oryn alǵan jáne 46 adam qurban bolǵan bul oqıǵaǵa óziniń qatysy joq ekenin aıtyp,
óz komıssııasyna tekserý materıaldarymen tanysýǵa ruqsat berýdi talap etýde.
