Soltústik Koreıa alǵash ret syra festıvalin uıymdastyrdy (VIDEO)

ASTANA. QazAqparat - Phenıanda KHDR tarıhynda tuńǵysh ret syra festıvali uıymdastyryldy. Bul jóninde qytaılyq CCTV+ telearnasy habarlady.

Telearnanyń habarlaýynsha, festıval Tedongan ózeni mańynda ózen  qurmetine atalǵan Taedonggang jergilikti syra óndirýshilerin qoldaý maqsatynda uıymdastyrylǵan.  Syra tek qana Soltústik Koreıada satylady jáne az partııamen Qytaıǵa eksporttalady.

Festıvaldiń ashylý rásiminde qoǵamdyq qyzmetter bas bıýrosynyń dırektory Chhve En Nam (Choe Yong Nam) festıvaldiń «halyqqa qyzmet kórsetýge baǵyttalǵan eń úzdik sotsıalıstik júıeniń ómirsheńdigin kórsetetin» mańyzdy shara ekenin málimdedi.