Soltústik Koreıa AQSh-ty áýe keńistigimizdi buzdy dep aıyptady
ASTANA. QazAqparat - Soltústik Koreıa Qorǵanys mınıstrligi eldiń áýe keńistigin buzatyn amerıkalyq barlaý ushaqtaryn atyp túsiretinin málimdedi, dep habarlaıdy QazAqparat DW agenttigine silteme jasap.
Soltústik Koreıa Eńbek partııasynyń Ortalyq Komıteti basshysynyń orynbasary jáne el basshysy Kım Chen Ynnyń ápkesi Kım E Chjon AQSh-ty áskerı barlaý ushaǵy eldiń erekshe ekonomıkalyq aımaǵyna segiz ret kirdi dep aıyptady
Amerıkalyq kúshter «zańsyz basyp kirýdi» jalǵastyra berse, jaǵdaı «qaıǵyly aıaqtalýy múmkin», dedi Kım.
Ol AQSh KHDR áýe keńistigin buzdy degen aıypty taǵy qaıtalap aıtty. Budan basqa, Kım mundaı ushaqtardyń atyp túsiriletinin jetkizdi.
Pentagon Phenıannyń áýe keńistigimizdi buzdy degen aıyptaýyn joqqa shyǵaryp, AQSh áskerı kúshteriniń halyqaralyq quqyqty ustanatynyn málimdedi.
«Demek, bul aıyptaý – jaı ǵana aıyptaý», - dedi tilshilerge bergen suhbatynda amerıkalyq áskerı vedomstvo ókili Sabrına Sıngh.
AQSh Memlekettik departamentiniń ókili Mettıý Mıller Soltústik Koreıany «eskalatsııalyq áreketterden bas tartýǵa» jáne «kúrdeli jáne dáıekti dıplomatııamen aınalysýǵa» shaqyrdy.
