Soltústik Koreıa AQSh-qa beıbitshilik jóninde kelisimshart jasasýdy usyndy
ASTANA. QazAqparat - Eger AQSh beıbitshilik jónindegi kelisimshartqa qol qoısa, KHDR Koreı jarty aralyndaǵy jaǵdaı boıynsha «syndarly dıalog» ótkizýge kelisedi. Bul týraly Soltústik Koreıanyń Syrtqy ister mınıstri Lı Sý En málim etti, dep habarlady www.rg.ru.
«AQSh BAQ arqyly tatýlastyq týraly kelisimdi beıbitshilik jónindegi kelisimshartqa aýystyrýǵa kelisse, KHDR úkimeti Koreı jarty aralyndaǵy soǵys pen qaqtyǵystar bolmaýy úshin konstrýktıvti dıalog ótkizýge daıyn», - dedi Lı Sý En. Onyń BUU Bas Assambleıasynyń 70-shi sessııasyndaǵy jalpy saıası pikirtalasta sóılegen bul sózin «TASS» agenttigi jarııa etti. Dıplomat muny máseleni sheshý jolynda Phenıan usyna alatyn utymdy nusqa dep atady.
